3 buba 10-Northern Angami T20 Bash osang

Kohima, March 31 (TYO): North Block Warriors aser RS Challengers telok nati takok ngua tang tasaydak 3 buba 10-Northern Angami Twenty20 (T20) asayamong nung tanü, Brehostibar nü shilem agiogo.
Tanü takok anguba sülen Warrior aser Challengers telok napronglai points 3 ajangzüka liasü.
Ajisüaka, tzünglu kanga sashia aruba yong Upper L. Khel Riders aser Chede Strikes telok na tsüngda lemzüktsüba mezüngbuba asaya masayatettsüsa akümba yong telok anapronglai point kaka dang ajangzükba osang jangjaogo.
Tanabuba asaya over 15 tembanga asaya liasü aser Warriors teloki wicket 5 agi Lower L. Khel Vikings telok madak takok angu.
Tanabuba asaya nung runs 52 yangluba den külemi, wicket 1 agisang, Meren-i Man of the Match sempet agizük.
Tsüngsang tajungba akümba yong tasembuba asaya over 20 prongla tembanga asaya aser Challengers telokia wicket 5 agisa Kenuozou Wolves telok madak takok ngua liasü.
Tasembuba asaya nung wicket 3 tashi agisang, Viketou nem Man of the Match sempet agütsü.
April 01 nü asaya yamai alitsü:
Tatembangba league asaya: P. Khel Eagles vs Middle Bayavü Lions  @ 7:00am
1st QF – Upper L. Khel Riders vs North Block Warriors @ 10:30am
2nd QF – Lower Bayavü Giants vs RS Challengers  @ 2pm