3 buba All Nagaland Veteran Badminton asayamong tanü tenzüktsü

Kohima, June 23 (TYO): Asüng, Hokolbar nü nungi tenzüka 3 buba All Nagaland Veteran Badminton Tournament Kohima kübok Indoor Stadium nung asayatsü renemogo.
Evening Club Kohima (ECK)-i ‘Inspire a new generation’ omen nung ajemdaker ayongba asayamong lapokba sentong nung Kohima Deputy Commissioner, Rovilato Mor, IAS tongti tesemdanger alitsü.
Asüng anepdang 10:00 ako nungi tenzüka agitsü renemba asayamong lapokba sentong Dr. Vilar Solo-i anitsü aser organising committee convenor, Arep Ao-i tepela o jembitsü.
Iba asayamong ya tan June ita 25 nü tembangtsü aser asayamong shibangba sentong nung Kethosietuo Sekhose, SDO (Sadar) Kohima tetushi tesemdanger alitsü.
Ano külen, ECK-isa tan June ita 1-20 nü tashi Kohima District Badminton Summer Coaching Camp & Talent Search 2016 sentong takok ngua agiba osang jangjaogo.
Iba badminton sayutsü sentong ya taoba National asayar, Alivoker Aier-i ketdangsüa agiba den külemi, pai tesayuba agüja liasü.
Benginners aser Advance Players shilem telemsa ana tashi kümer agütsüba badminton tesayuba sentong nung tetsür 12 aser tebur 21 densema, ajak agi arishi küm 8-17 tain asayar 33 tashi shilem agiba osang jangjaogo.