3 buba NCMF senden Pathways Arogo nung liasü

Dimapur, May 16 : Nagaland Christian Ministries Fellowship (NCMF) ketdangser, Ministry Director aser tongti o jembir parnok ajak külemi yangi noksa nung angur.

Dimapur, May 16 (TYO) : Tanü Nagaland Christian Ministries Fellowship (NCMF) tasembuba Conference Pathways Arogo Dimapur nung liasü. Iba sentong nung Ministry team 20 nungi arua shilem agia liasü.
Tongti o jembir, Rev. Dr. Imchayanger-i 1 Thessalonians 1:5 nung ajemdaker onük “Tanela Temeshi ain” power of the Holy Spirit indang jembi. Pai sa Tenyar Mapa 3:6 Acts3:6 nung ajemdaker Peter I Kü ket nung Hon taribi mali saka Yisu tenüng nung nokdakang aser jajang ta ashi saka Peter-i aji shir külen oaa nisung paji pa teka agi yari, iba tatishitsü metemdanga pai Nagaland nung aikati sayutsungi dang asür saka teyaritep teka magütsür (not reaching out or helping) ministry nung sayutsüngiba ama asen teka amoaka oagi nisung yaritsüla ta ayongzük.
Tesenteper ajak temoatsü jenti angu, iba sentong nung Ministry balala nem mapang agüja pei inyakba wadang tem lemsatep.
Pathways Arogo worship teami tetushi aser tekülem nung shilem agia liasü aser Rev. R. Meren Jamir NBCA Executive secretary ajanga tayongzükba agütsü.
Ano Pastor Olem Jamir Pathways Arogo aser NCMF President ajanga tesenteper pela agizük.
Iba sentong tatem küma Sunep Lemturi Tepela O jembia tesenteper ajak dang pelaba lemsatep.