3 buba ODI nung India-i South Africa makok

New Delhi, October 18 (Agencies): India aser South Africa na tang tasayadak aliba ODI asayamung 3 buba nung Deobar nü Rajkot nung India-i runs 18 agi South Africa makok.
Iba asaya nung South Africa nunger mezüng batting asü aser parnoki runs 270 yanglu. Anungji iba match akoktsü asoshi India nungeri runs 271 nüngdaka batting asütsü tenzük saka over 50 nung India nunger trok out sür runs 252 ang yanglutet.
Iba asaya nung Shikhar Dhawan-i runs 13, Rohit Sharma-i runs 65, Dhoni-i runs 47, Kholi-i runs 77 aser Ajinkya Rahane runs 4 yangluteta liasü saka Raina bo duck out asü.
Saurashtra Cricket Association Stadium nung India nunger bat masüdang South Africa telok nungi wicketkeeper Quinton de Kock-i runs 103, Du Plessis-i runs 60, Farhaan Behardien-i runs 33 aser David Miller-i runs 33 yanglua toktsü.
India nunger spin aoner Harbhajan Singh aser Amit Mishra nati wicket ka ka agia liasü.

You must be logged in to post a comment Login