3 buba Summer Sprint Challenge 2015 tembangogo

Dimapur, September 26 (TYO): Route 29 Dimapur teloki Agri Exop, 4th Mile Diphupar nung anogo 3 asoshi ayongba 3 buba Summer Sprint Challenge 2015 tanü Honibar nü tembanogo.
Shilem 4 tashi lemsar agiba tetoktepba nung Nagaland, Assam aser Meghalaya nungi tetokteper 77 tashi-i shilem agia liasü.
Moto cross shilem nung Megahalaya nungi Paominthung-i 1 buba, Megahalaya nungisa Naylin Chowhin-i 2 buba aser Nagaland nungi Mesavilie Chase-i 3 buba jenjang angu.
1000cc shilem nung Aviu Rutsa, Ewellson aser Ana Solo nungeri mezüngbuba, tanabuba aser tasembuba jenjang ajangzük aser 1000cc ser tema shilem nung Larry Mukhim, Roko Bietuo aser Adu Keditsu nungeri temaba jenjang 3 angu.
Ano, Sports Utility Vehicle (SUV) shilem nung Larry Mukhim, Lima Jamir aser Kesangulie nungeri mezüngbuba, tanabuba aser tasembuba jenjang ngua liasü.
Brigadier Brijesh Dhiman, Commander 6th sector, Assam Rifles; Ayida Honda kibur, Dr. Ikheto Sumi; Chairman, Diphupar Village Council, Vitoshe I. Kinimi aser Major Amit nungeri tanü takok angurtem nem sempet agütsü.