3 buba Summer Sprint Challenge ayonger

Dimapur, September 09 (TYO): Route 29 teloki 3 buba Summer Sprint Challenge 2015 tan September ita 23-26 nü tashi Agri Expo 4th mile, Diphupar, Dimapur nung agitsü ayongogo.
North East ajunga aser Northern Indian States nungi densema tetokteper 100 dak temai iba tetoktepba nung shilem agitsü renema lir.
Sports Utility Vehicle (SUV), 1000cc, 1000cc ser tekübok aser Motor Cross Open Class shilem nung toktepdaktsütsü renemba tetoktepba nung shilem agitsü shiti temonoba agi tan September ita 20 nü tayonger ket tongtsütsü metetdaktsüogo.
Iba tetoktepba den sentakba osangtsüsang tali jangjashitsü jangrartemi telephone no. 8014179607, 9774750050, 9612500200 ajanga tongteprateptsü akok.
Ano külen, tan ayongba tetoktepba den sentakba takok marok, kulikaket, süki aser iba amala nungdakba osettsüset tenlaba atema Route 29 teloki Commander 6 Sector AR, Brigadier Dhimon, Major Amit Kumar aser Hq 6 mitkar züngsem ajunga dang pelaba olen ka metetdaktsüogo.
“Taoba küm 2 tashi yaritepa aruba atema Ayida Honda, MRF, Grace Enterprise, DPRO Dimapur, Puroz Garage, Agritech aser NEZCC nunger danga pelar,” ta par teloki ashi.