‘3 Idiots’ film tasen yanglutsü akok

January 27, 2015: Tawa osangbenertem senden ka nung Bollywood superstar, Aamir Khan-i ‘3 Idiots’ film ano tasen adoktsü ama olen ka jembiogo.
‘PK’ film star Aamir-i, “Tawa Raju (Rajkumar Hirani)-i, pai ‘3 Idiots’ tasen atema otsü ka nguogo ta shiogo, anungji onok ano tanaben longjemtsüa akok. Iba ya rongtak osang ka ama meprokshitsüla,” ta ashi.
‘Rang De Basanti’ film küm 10 ajungba anogomung nung Aamir-i osangbenertem dang iba osang metetdakja liasü.
2009 küm December 25 nü sayaba ‘3 Idiots’ film ya Rajkumar Hirani-i direct süa liasü aser film nung Aamir den Sharman Joshi, R Madhavan aser Kareena Kapoor nungeri tongti shilem agia lir.