3 Idiots Mexican Trailer sayaogo

May 4, 2017 (Agencies): 2009 küm Aamir Khan indang film ”3 Idiots’ ajanga box office record ajak ajateta liasü. 3 Idiots film otsü ya Rajkumar Hirani-i zülu aser paisa direct asü. Iba film ajanga educational system nung lenla tasen ngutetba dang masü saka tashishitsütem alibaa dena tuteta sayu. Film ajanga India nung education system dak sendakba nung temelenshi asoshi o toktepa liasü. Maneni iba film ya alima linük aika nung tenüngsang agizükogo. Film ya Indonesia nunga kanga nüngtugu aküm aser nüburtemi Twitter ajanga pei tebilembatem lemsatep.
Iba film ya tawa Mexico nung yanglushiogo aser iba trailer ajanga film nungtugu akümba belemtetshidaktsütsü. Film nung Aamir Khan, Madhavan aser Sharman Joshi nunger shilem actors Alfonso Dosal, Christian Vazquez aser German Valdez-i agitsü. Maneni Kareena Kapoor Khan shilem actress Martha Higareda-i agitsü.
Aji saka film nung shilem ajakbo inoksema yanglua mali. Film nung tongtibang shilem kong Raju aser Farhan na Rancho bushi-i aoer iba amala shilemtembo inoksema yanglua lir.