32 AR-i NSCN (K ) züngsem ana apu

Dimapur, May 24 (TYO): NSCN (K) züngsemtem aliba osang lazükba sülen May 23, 2017 nü HQ IGAR (North) kübok 32 Assam Rifles sepaitem den police-i Dimapur nung Duncan Basti tesem mita aodang melung melemteti nisung ana- NSCN (K) nungi Mokokchung district nung alir arishi küm 37 SS Sgt Maj T Rongsen Ao aser Padampukhri, Dimapur nung alir arishi küm 38 SS Under Secretary, Wapang Ao na puogo, ta Assam Rifles-i sangdong ka nung metetdaktsü.
Tenati Dimapur aser temeket tesemtem nung sen akhangba aser tashishitsü aketba mapa inyakba nangzükogo; maneni bushisüngdangtsü atema tena West Police Station, Dimapur ket nung agütsüogo, ta sangdong nungsa shia lir.