32 AR-i NSCN (KN) züngsem ana apu

Dimapur, June 07 (TYO): Osang tejangja ka angazükba sülen June 06, 2017 nü HQ IGAR (North) kübok 32 Assam Rifles sepaitem aser police densema Christian Hospital, Dimapur tesem mita aodang nisung ana puogo.
Assam Rifles sepaitemi apuba nisung anaji Nishe Awomi’er jabaso arishi küm 44 SS Major Khuhevi Awomi aser Khetovi Yesca’er jabaso arishi küm 40, SS Under Secretary Kuwoto Yesca na lir aser tenaprongji NSCN(KN) nungi lir aser Khuhoboto, Dimapur nung alir, aser tena ket nungi AK-56 Rifle ka den magazine aser AK-56 injang pongu puogo, ta sangdong nungsa shia lir.
Tena den tena ket nungi apuba osettemji maneni bushisüngdangtsü atema Diphupar Police Station, Dimapur ket nung agütsüogo, ta kasa sangdong ajangasa metetdaktsü.