32 AR-i NSCN(IM) Rajapeyu ka apu

Dimapur, December 6 (TYO): 32 Assam Rifles-i police den külemi December 5, 2017 nü Dimapur nung super market tesem mita aodang temulung melemi nisung ka apu.
Iba nisung ya Abdul Hasim ta jangjaogo aser pa ket nung prangpong, injang, taitsü aketba kulikaket aser sen aika bena lia apu, ta Assam Rifles sangdong ka nung metetdaktsü.
Arishi küm 41 tain Abdul Hasim ya NSCN (IM) nung Rajapeyu inyaker aser pa ya asür Moinuddin’er jabaso lir. Pa Industrial village, Dimapur nung telidak lir.
Pa ket nungi Pt 32 mm Pistol ka, magazine 2, live rounds 12, arms license 1 aser Ghokuto Chopy, Secy UT-I, NSCN (IM)-i sign asüba assignment order ka den sen lakh 5,59,000 bena liasü, ta Assam Rifles sangdong nungsa metetdaktsü.
Pa den külemi apuba ajakji East Police Station Dimapur ket nung agütsüogo, ta parnokisa shisem.