32 AR-i prangpong-injang shibelener ka apu

Dimapur, March 18 (TYO) : Aoyimsen Colony nung osang shibelener ka lir ta osang tejangja angazükba sülen March 15, 2016 nü 32 Assam Rifles-i police anir iba tesem mita ao.

Iba mapang sepaitemi ki ka nungi Muzzle Loading .22 Rif ka, Hand Grenade ka aser taitsü aketba kulikaket kar angu aser iba ki nung nisung ka pur West Police Station ket nung agütsü, ta Assam Rifles sangdong ka nung metetdaktsü.

Sepaitemi apuba nisungji Changi village nungi Thysam ta jangjaogo aser pa ya taoba mapang NNC züngsem liasü, ta sangdong nungsa shia lir.