32 AR-i prangpong-injang shibelener ka apu

Dimapur, October 26 (TYO) : Ozüng alema prangpong-injang shibelenba osang tejangja kar angazükba sülen October 22, 2016 nü 32 Assam Rifles-i police nungi teshimtet nübotem dena Burma Camp nung mita ao.
Iba mapang sepaitemi temulung melemi bilemba ki ka nung pt 32 Pistol (Regd No 021003PT) ka angu aser ki kiburji apu, ta Assam Rifles sangdong ka nung metetdaktsü.
Iba nisungji Zunheboto district nung Hokheve Sema’er jabaso Aboto Sema ta jangjogo aser pa den külemi apuba osetji East Police Station Dimapur ket nung agütsü, ta sangdong nungsa shia lir.