32 AR-i prangpong shishilembar ka apu

Dimapur, August 13 (TYO): Prangpong ayoker ka aliba osang jangjaba sülen August 11, 2017 nü HQ IGAR (North) kübok 32 Assam Rifles sepaitem den police senteper Dimapur nung Tolovi village mita ao, ta tanü AR sangdong ka ajanga metetdaktsü.
Assam Rifles-i mita aodang nisung ka ket nungi Pt 22 mm Rifle ka den magazine aser injang asem apu; iba nisungbaji Kivikhu, Zunheboto nung alir arishi küm 26, Atoki lir ta jangjaogo, ta AR-i metetdaktsü.
Maneni bushisüngdangtsü atema pua alisang den pa ket nungi apubaji East Police Station, Dimapur ket nung agütsüogo, ta sangdong nungsa shia lir.