32 AR-i prangpong shishir ka apu

Dimapur, July 03 (TYO): Prangpong shibelener ka aliba osang angazükba sülen HQ IGAR (N) kübok 32 Assam Rifles aser police züngsemtemi July 1, 2017 nü Dimapur nung Thilixu tesem mita oa liasü, ta tanü Lt Col Amitabh Sharma PRO HQ IGAR (North)-i sangdong ka nung metetdaktsü.
Mita aoba mapang Assam Rifles sepaitemi nisung ka ket nungi prangpong aika den injang apu. Iba nisungbaji Thilixu, Dimapur nung alir Pikeye’er jabaso arishi küm 36, Vishiho Chopi liasü. Maneni bushisüngdangtsü asoshi pa den pa ket nungi apuba prangpong aser injangji Diphupar Police Station, Dimapur ket nung agütsüogo, ta kasa sangdong nungsa metetdaktsü.