32 Assam Rifles-i prangpong ayoker ka apu

Dimapur, February 08 (TYO) : Nagaland Gate anasa public aliba tesem nung prangpong ayoker ka lir ta osang tejangja angashiba sülen, HQ 6 Sect AR kübok, 32 Assam Rifles temi iba tesem nung February 05, 2016 nü kanga kümdanga mittsü tenzük.
Yamaji mitba mapang Nagaland Gate anasa aliba Nui Colony nung parnoki iba nisungji apu.
Iba nisung dak kanga junga bushisüngdang dang pa ket nungi pistol ka ngutet.
Pa ya asür Abdul Jabbar’er jabaso Babul Hussain aser New Lahurijan, Karbi Anglong, Assam nung alir ta jangjaogo.
Pa ket nungi ozüngi memelai amshiba pistol .32 (country made) ka den magazine ana ngutet.
Assam Rifles temi pua arusang ya East Police Station, Dimapur nung asüngdangya asütsü atema yuja lir.