32 Assam Rifles-i prangpong shishir ka apu

Dimapur, July 14 (TYO): Tenyiphe nung aliba ki ka nung prangpong abenba nisung ka lir ta osang ka angazükba sülen July 12, 2016 nü 32 Assam Rifles sepaitem den police-i temulung melemtetba kiji kar mita ao, ta AR osang ka ajanga metetdaktsü.
Iba mapang nung Tenyiphe village, Dimapur nung alir Chapo’er jabaso arishi küm 33 tain,  Puduho ket nungi Point 22 Rifle ka (Country made) den magazine aser Point 22 Rifle injang ana angu, ta parnokisa ashi.
Maneni bushisüngdangtsü atema tesülen pua alisang den pa ket nungi apuba prangpong aser injangji Diphupar Police Station, Dimapur ket nung bendanga agütsüogo, ta parnokisa shisem.