33rd Mkg Dist Open Badminton Championship tenzükogo

Mokokchung S.P, Raguramaranmjan IPS-i Mokokchung Indoor Badminton Stadium nung 33rd Mokokchung District Open Badminton Championship tenzüktsüdang tangokba noksa nung angur. Mokokchung, July 11, 2019.

Mokokchung, July 11 (TYO): 33 buba Mokokchung District Open Badminton Championship 2019 asayamung July 11 nü Mokokchung Superintendent of Police, Raguramaranjan. A. IPS-i yangi Indoor Badminton Stadium, Aongza Ward nung meraketa tenzüktsüogo.
Taküm iba asayamung nung asaya telemsa 16 lir; Under-9 Boys Single, U-11 Girls Single, U-11 Boys Single, U-11 Boys Doubles, U-13 Boys Single, U-13 Boys Doubles, U-13 Girls Single, U-15 Boys Single, U-15 Boys Doubles, U-15 Girls single, Open Girls Single, Men’s Single, Men’s Doubles, 35+ veterans Doubles, 45+ veteran Doubles aser Mixed Double. Item asaya telemsa balala nung asayar 75-i shilem agidaki.
Iba asayamung nung takok nung takok angur nem senpet trophy den certificate agütsütsü, ta angazüker. Iba asayamung ya July 13 tashi asayatsü. Tanü tetenzük sentong nung Mokokchung District Badminton Association (MDBA) tir, Tiapokba menden liasü, Mopungchuket Baptist Arogo Pastor Jongpong den temoatsü meshia sarasadem. Sentimenlai ken tajung ka aten aser Chief Empire Yangeri asayartem tenangzükba agia liasü.
Iba asayamung ya MDBA-i asen lima badminton asaya nüngtugu kümdaktsüba den district nung aliba nüburtem iba asaya nung ajungshitsü aser lanurtem nem sabang lapoktsütsü nükjidong yur küm shia ayongzüka akar.