35 ToTS refresher training kaogo

Dimapur, May 20 (TYO): Nüburtem tsüngda tamang kadaktsütsü aser alima lendong ataloktsüsa aliba tesemtem aser rehabilitation tesemtem jangjatsü atema 35 TOTs asoshi Community First Responder (CFR) indang refresher course training ka May 20, 2017 nü Circuit House, Zunheboto nung kaogo.
Iba sentong ya NSDMA, DDMA, HG&CD aser SDRF Zunheboto-i ayongzüka liasü.
Ano local tesemtem indang rajema alitsü atema Familarization Exercise (FAMEX)-a agia liasü. Ward tenet nungi CFRs 70 aser ward pongu den sub-divisional town tenet nungi CFRs 350 nem TOTs-i training agütsütsü.
Rongdak kümzükba maparen aser first aid atema training agütsüba dak alia sub-divisional CFRs TOT ajak nem basic training kits lemja liasü.