36 AR-i Dimapur nung prangpong-injang yangludak ka makdok

Dimapur, April 22 (TYO): Dimapur kübok Indisen village, nung telungpurtem prangpong bener lir ta osang tejangja angazükba sülen April 21, 2017 nü 36 Assam Rifles den police-i mita ao, ta Lt Col Amitabh Sharma, PRO, HQ IGAR (North)-i sangdong ka nung ashi.
Iba mapang Assam Rifles sepaitemi prangpong-injang yangluba tesem ka makdok. Iba ki kiburji Indisen yimtsüng nung alir Albert Lotha lir aser iba tesem nungi AK-47 ka den magazine, M-16 rifle ka den magazine, Pt 22 mm Pistol indang magazine 2, live rounds 17, barrels 4 aser oset kar angu, ta AR sangdong nungsa metetdaktsü.
Albert Lotha dang asüngdangya asüdang pa NSCN (IM) nung Leacy inyaker ta ashi aser pai ozüng alema prangpong-injang yangluba aser agütsüba den Dimapur nung tashiyim agi sen saruba mapa inyak ta nangzük, ta PRO, HQ IGAR (North) sangdong nungsa shia lir.
Pa den külemi prangpong-injangtem ajak West Police Station, Dimapur ket nung agütsüogo, ta sangdong nungsa shisem.