36 AR Jalukie-i asür, Capt. Kenguruse bilemteta akhüm agütsü

Jalukie, Rongchii/April 26 (TYO): April 26, 2019 nü St. Xavier School, Jalukie nung 36th Assam Rifles-i asür, Capt. Neikezhakhuo Kenguruse nüngtem nung pa bilemteta sentong ka ayongzüka agiogo, ta sorkar ketdangsertem osang ka ajanga metetdaktsü.
2nd Rajputana Rifle nungi Mahavir Chakra angusang (sür agütsüba), Capt. Neikezhakhuo Kenguruse indang kürakyanglu ka asür Kenguruse tebu, Neiselie leniba nung saya. Iba sentong nung DIG 6 sector Assam Rifles-a densema liasü.
Iba sentong nung o tatsüka jembidang Neiselie-i 36th Assam Rifles-i par jabaso nem akhüm tetushi agüja iba sentong ayongzükba atema pelaba metetdaktsü.
Kasa sentong nung Peren Deputy Commissioner, Peren SP aser nüburtem dena liasü.