36 Assam Rifles-i yi aika apu

Dimapur, April 25 (TYO): Headquarters IGAR (N) kübok 36 Assam Rifles sepaitemi osang tejangja ka lazükba sülen parnok den police densema April 23, 2017 nü Nihoi, Jalukie, Peren District tesem nung Mobile Vehicle Check Post (MVCP) nung gari mita reprangdang Maruti Alto 800, Regd No NL 07H 3006 gari ka sota iba gari nungjagi sen 15,000 jenjang IMFL yi pongdang 169 puogo, ta Lt Col Amitabh Sharma PRO, HQ IGAR (N)-i sangdong ka ajanga metetdaktsü.
Iba ken o dak sentakba nung nisung ana- 3rd Mile, Dimapur nung alir arishi küm 33, Huto Zhimo aser Naga United Village, Dimapur nung alir arishi küm 30, Kevi Chakesang na puogo, ta paisa sangdong nung shia lir.
Maneni bushisüngdangtsü atema tena den tena ket nungi apuba yiji Jalukie Police Station ket nung agütsüogo, ta Assam Rifles sangdong nungsa metetdaktsü.