37 Assam Rifles-i Naga lanurtem nem tenüngsang agütsü

Dimapur, August 28 (TYO) : Tawa Army Recruitment Examination nung takok angur nem 37 Assam Rifles-i tenüngsang agütsü.
Ghaspani aser temeket nung aliba tesemtem nungi lanur parnok 17-i takok angu aser August 19, 2016 nü AR-i parnok nem tenüngsang agütsüba sentong ka ayongzüka agi.
Iba sentong nung Commander 6 Sector, 37 Assam Rifles nungi sepaitemi aser Naga lanurtem den parnok kinungertem aden.
Sentong nung 6 Sector Assam Rifles Commander-i, Indian Army nung mapa tajung inyaktsü atema lanur 17 moatsü.
Regimental Centre balala nung training nung temulung agüja adentsü aser linük asoshi tebilemtsü abenba sepai ka ka akümtsü ta paisa ayongzük.
Sentong nungsa takok angurtem, parnok tsüraburtem aser Village Council züngsemtemi 37 Assam Rifles dang training tajung agütsüba aser lanur taküm melenshidaktsüba atema tenüngsang agütsü.