37 Assam Rifles-i NSCN (KN) züngsem ka apu

Dimapur, May 10 (TYO) : Piphema nung NSCN (KN) captain ka lir ta osang tejangja angazükba sülen 37 Assam Rifles-i mita aodang NSCN (KN) züngsem ka apu.
AR sepaitemi temulung melemi bilemba ki kar mita aodang NSCN (KN) züngsem apu aser Point 32 Pistol ka, Point 32 ammunition aser taitsü aketba kulikakettem kar ngutet, ta Assam Rifles sangdong ka nung metetdaktsü.
Iba nisungji Captain Neisalie Angami ta jangjaogo aser pa dang asüngdangya asüdang, pa Piphema nung NSCN (KN) atema Army Ration Tax/Yearly Tax sarutsü mapa lemzüktsü ta nangzük, ta AR sangdong nungsa shia lir.
Pa den külemi apuba ajak Medziphema Police Station ket nung agütsüogo, ta sangdong nungsa shisema lir.