37 Assam Rifles-i prangpong-injang apu

Dimapur. October 25 (TYO) : NSCN (IM) züngsem kati ozüng alema prangpong-injang bener lir ta osang tejangja ka angazükba sülen October 20 nü 37 Assam Rifles-i Nihoto yimtsüng nung mita aodang nisungji apu, ta AR sangdong ka nung metetdaktsü.
Sepaitemi temulung melemi bilemba kiji longpang aser police den Goan Bura anir mita reprangdang, Point 38 Revolver ka, injang aser NSCN (IM) uniform angu, ta sangdong nungsa shia lir.
Item oset ya NSCN (IM) züngsem Capt Shikuto Awomi’er kidang nungi angu saka pabo jena orr liasü. Iba ya Ceasefire Ground Rules anema inyakba mapa ka lir, aser Diphupar Police Station nung apuba osettem agütsü aser ano NSCN (IM) züngsem anema FIR ka benokogo, ta Assam Rifles sangdong nungsa shia lir.