37 Bn BSF-i tesayurtem tushiogo

Kohima, Rongjui/September 02, 2022 (TYO): 37 Battalion BSF-i Hokolbar anogo Jawahar Navodaya Vidyalaya School Kohima nung sentong ka ayongzük aser iba reju nung tesayurtem nem tenüngsang agütsü.

Kaketshirtem tim lenmang nung anitettsü mechi bendanga agütsür inyakba atema 37 Bn BSF-i iba sentong ayongzüka liasü.

Lanurtem dang pei linük meimtsü aser linük asoshi tasüita inyaktsü ajungmesotsü nükjidong yur iba sentong agi. Iba sentong nung BSF indang documentary ka sayu aser BSF recruitment platforms, pay benefits, facility dak sendakba nung PowerPoint ajanga lemsatep.

Iba sentong nung Kohima nungi athlete  Vizobilie Punyü dena liasü aser  Chairman Keyakie, JNV school Principal aser tesayurtem,  BSF nungi anener alirtem densema tongtibang nisungtem sentong nung denogo.

JNV nungi kaketshir 250, BSF Chedema nungi officer aser sepaitem iba sentong nung shilem agiogo.

You must be logged in to post a comment Login