38 Wokha Assembly Constituency NPF office anentsür

Dimapur, May 22 (TYO): Disciplinary Action Committee (DAC)-i junger ta ashiba aser party temzüng nung tashi agüja aliba nung ajemdaker, NPF tir Dr. Shürhozelie Liezietsü-i 38 Wokha Assembly Constituency NPF office anentsür, ta sangdong ka nung metetdaktsüogo.
38 Wokha Assembly Constituency NPF office nungji Parent body, Women Wing, Youth Wing, aser Farmers Wing ajak dena lir aser May 20, 2017 anogo nungi anentsür, ta NPF President, Dr. Shürhozelie-i sangdong nung shia lir.
38 Wokha AC nung ketdangpur tasentem meshim tashi Wokha Division ketdangpurtemi iba constituency repranga atatsü tuyur, ta Dr. Shürhozelie-isa sangdong nung metetdaktsüogo.