39 buba Inter-District Badminton Championship August 7 nü tembangtsü

Dimapur, August 05 (TYO): Tang Zunheboto nung tasayadak Yonex-Sunrise 39 buba Inter-District & State Open Badminton Championship 2015 tan August ita 7 nü tembangtsü.
Nikongdang 4:00 ako nungi tenzüka agitsü renemba asayamong tembangba sentong nung tongti tesemdanger asütsü asoshi Nagaland Parliamentary Secretary, Fisheries, Printing & Stationery, Shetoyi Sumi-i agizükogo.
Zunheboto District Badminton Association (ZDBA) Tir, Hekato Sema-i aniba sentong nung Zunheboto Town Sumi Baptist Church (ZTSBC) Pastor, Dr. Daniel Chishi-i Tsüngrem tashi meshia sarasademtsü.
Chief Referee, C. Tinu Pongen-i asayamong asayaba otsü tatsü agi lemsatepba sülen V/P (Technical) Tali Jamir-i melepzüng o jembitsü.
Toli Chophy-i ken tajungba ka tena sentong tembangba sülen asayamong final asyatsü aser tesülen, sempettem lemshia agütsütsü renemogo.