3buba Kohima Football League June 8 nü tenzüktsü

Kohima, Monupii/May 20 (TYO): Kohima Town Club puri ayongzüka 3buba Kohima Football League 2019, June 8 nü nungi 26 tashi IG Stadium, Kohima nung asayatsü.
Iba asayamung nung team trok; defending champions Sechü-Zubza FC, Vanguard FC Tseminyu, Khriekesa FC, Forerunner FC Thizama, A. Yhome FC aser Kohima Eagles FC asayatsü. A. Yhome FC aser Kohima Eagles na taküm mezüngbuba iba asayamung nung asayatsü.
Iba asayamung ya single league basis nung asayatsü kong team ajak asaya pongungu nung asayatsü.
Asayamung dak sendakba nung Aurora Restaurant nung club ketdangsertem den senden ka menogo.
Taküm iba asayamung takoker nem senpet sen 1,20,000 den running trophy aser kuli kaket agütsütsü aser tanabuba jenjang nung tembangba team nem senpet sen 80,000 agütsütsü. National referee anati asayatem achaayangtsü aser KTC local trained referee temi parnok nem teyari agütsütsü.
Club tem jersey sayaba sentong June 1 nü 3:30 ako nungi tenzüka IG Stadium, Kohima nung agitsü, ta asayamung ayongertemi metetdaktsü.
Kasa mapang nung Kohima Town Club-i June 22 nü Open Penalty shootout ka IG Stadium Kohima nung ayongzükogo.
Takoker nem senpet sen 50,000 aser runners up nem 30,000 agütsütsü. Team anaprongla nem takok marok den kuli kaket agütsütsü. Maneni best goalkeeper award-a agütsütsü.
Asayamung nung shilem agitsü atema team shia taa sen 2000 asütsü aser form June tanabuba hopta tashi nung Sports Paradise, Ruluo Market, Kezieke aser Black Berry Kohima temalen Global Sports, Dr K.K Angami Complex, nung angutsü.