3buba Mon District Task Force senden kaogo

Rongjui/September 20 (TYO): Deputy Commissioner Office Chamber nung DC Mon, Thavaseelan K, IAS lenisüba kübok Rongjui/September 20, 2018 nü Immunization of Measles-Rubella (MRVC) atema 3buba Mon District Task Force senden agiogo.
Iba senden agiba mapang, Mongputeni/October 3, 2018 nü nungi tenzüka koba district nung Measles-Rubella Campaign sentong agitsü lir; iba vaccination sentong takok ngua agitsü asoshi asalentong aser onük tem nung olemtep agia liasü.
Dr.Imtijungshi Aier, DIO Mon, ajanga ashiba agi, district kübok yimtsüng aser jilatem 132 aser rejutem 330 tashi ayimjema ita 9 nungi küm 15 tanurtem parnok ajak agi 62,038 nem MR vaccine agütsütsü asoshi asadangtetogo.
3buba Mon District Task Force senden nung WHO,UNDP,UNICEF, Red Cross Society, District Planning Officer, ICDS, Mon aser Executive Secretary, KBBB, Konyak Union President, KNSK, KSU, Jama Masjid Committee, World Vision, Catholic Community, Hindu Community, Media representatives, Private Schools Union aser Pastor KBCM densema Chief Medical Officer, Mon, Commanding Officer, 35 A/R, Mon, Superintendent of Police, Mon, District Programme Officer (UIP &RCH), Mon, District Education Officer, Mon, District Welfare Officer, Mon aser District Public Relations Officer, Mon dena liasü.