3buba Morning Champions Cup tenzükogo

Kohima, Rongjui/September 3 (TYO): Morning Football Association (MFA) puri ayongzükba Morning Champions Cup (MCC) asayamung tasembuba Seikhazou Ground, Kohima Village D Khel nung tanü nungi tenzükogo.
Asayamung koba ita ka ser tesadang asayatsü ali, iba ya group aser knockout round yimya nung asayatsü.
MCC ya küm shia Morning Premier League (MPL) tembangba sülen asayar, kong MPL nungi relegate asüba team tem shilem magitetr. “Health and Friendship” through football omen nung ajemdaker iba asayamung asayar aser iba asayamung nung arishi küm 30 tema nungi asayartem dang shilem agiteter.
Team ajak agi 10 iba asayamung nung shilem agidar aser team tem rongnung defending champions All Blacks (shirnoki MPL 4buba dena koka lir), Merhulietsa FC, Morning FC, Amur Falcon FC, Morung United FC, Mustang FC, Ziekezou Seniors FC, GetThemGo FC, Kohima Ao Baptist Arogo (KABA) FC and Kohima Raiders (Kohima village) densema lir.
Kasa mapang nung tanü asayamung tenzükba asaya nung defending champion’s All Blacks aser taoba champion Merhülietsa FC pur goal 2-2 nung tembang.
All Blacks pur atema Visakholie-i goal ana aser Merhülietsa FC pur atemaa Zakie-i goal ana idaktsü.
Rongjui/Sept 4 nü asaya:
Ziekezou Seniors FC vs Get Them Go FC @ 5:30AM.