3buba ODI nung New Zealand-i Pakistan madak takok angu

Dunedin(New Zealand), Aenjeti 13 (Agencies): Küptoknü (Honibar) Dunedin nung New Zealand aser Pakistan na tsüngda 3buba one-day international asaya nung Trent Boult-i ball kanga junga aonba ajanga par telok takoki aniogo. Parnoki Pakistan madak run 183 agi takok ngua series ayong ayonga kokogo.
Boult-i ball pungo nung wicket asem agi, aser iba nung Pakistan nunger top order batsman tem asem tashi out südaktsü. Pai asaya peyong nung run 17 dang agütsür wicket pongu agi.
Mezüng batting asüba nung New Zealand puri over 49.5 nung run 257 yanglutet. Boult-i tatembangbuba over nung runs11 ngütet, saka last ball nung pa out süadok.
Pakistan nunger tanabenbuba batting asüba nung over 28buba nung run 74 dang yanglur ajak out süadok. Iba ajanga New Zealand nungeri iba series ponguben asayatsü aliba 3-0 agi lead südar.
Asaya tenzüker over tanabuba nung Boult-i aounba mapang Pakistan nunger batsman Azhar Ali aser Mohammad Hafeez na run kaka danga meyanglüteti slip nung Ross Taylor-i catch out südaktsü. Maneni Fakhar Zaman runs ana dang yanglur pai out sütsü.
Match ana (2) nung tamakok ngür sulen Dunedin-i arua takok angutsü kanga nüngdaka aliba mapang , second over nung Munro runs 8 dang ngür out sütsüba ajanga Pakistan nunger temulung olua aküm.
Ajisüaka Kane Williamson aser Ross Taylor nati half century kaka ngütetba den kulemi Martin Guptill-ia runs 45 ngua New Zealand nunger ajungket.
Williamson-ia kanga junga asayar balls 101 nung runs 73 ngütet aser iba den külemi Taylor-ia balls 64 nung runs 52 tashi yanglutet.
Pakistan-ia over 8 anungba aliba mapang kanga dang jerapera asaya, aser New Zealand nungertem runs 48 dang agüja wicket 7 out sütsü.