3buba Tuli Marathon 2017 sentong takok ngua kaogo

Mokokchung, January 07 (TYO): Tuli nung 3buba Tuli Marathon 2017 kanga takok ngua agiogo. Iba asemtepba sentong ya “Kü vote, kü temeden” omen nung ajemdaker Langpankong Katketshir Mungdang Clean Election Campaign Committee den yaritepa Tuli Sub-division district administration-i ayonga liasü, ta Tuli administration osang ka ajanga metetdaktsü.
Tanü Hokolbar anepdang iba asemtepba sentong ya Tuli Additional Deputy Commissioner Sentiwapang Aieri flag off süa tenzüktsü. Takoker 1st , 2nd & 3rd tetsür/tebur naprong nem senpet sen 10,000, 7000 aser 5000 agütsüogo, ta osang nungsa shia lir.
Iba asemtepba nung takoker yamai liasü;
Winner Men’s (14 km)
* 1st Thungtimiba Chang, Tuensang
* 2nd Chubawati, khar village
* 3rd Longshithung, Mokokchung.
Winner women’s (7 km)
* 1st Imnasenla, Tuli
* 2nd Watijungla, Tuli
* 3rd Imlibenla, Tuli
Iba den ano Inter ward relay cake race sentonga ka liasü aser iba tetoktepba nung takokertemji; 1st AY ward (Tzudikong), 2nd Mendenti ward (Tuli), 3rd Longli lenten ward (Tuli) ta liasü.