3E Nagaland-i Naga Wrestle Mania 4 ayonger

Dimapur, October 27 (TYO): Nagaland Wrestling Association (NWA) aser Angami Sports Association (ASA) na den tangatettep nung 3E Nagaland teloki tan October ita 29-31 nü tashi The Naga Wrestle Mania 4 (King of the Ring Series) tetoktepba Kohima Local Ground nung agitsü ayongogo.

“Iba tetoktepba den sentakba onük kar benoka jembitsü asoshi Kohima Local Ground nung senden ka tan October ita 28 nikongtsütsü 3:30 ako nungi tenzüka amentsü anungji, ketdangser ajungai iba senden nung shilem agitsü ajungshir,” ta tayongeri tanü sangdong ka ajanga metetdaktsüogo.

Iba tetoktepba tenzükba sentong tan October ita 29 anepdang 10:00 ako nungi tenzüka agitsü aser iba sentong nung NWA ketdangsertem tetushi tejaokertem alitsü ta parnokisa ashi.

Tan tetoktepba reprangtsü asoshi gallery, chair aser donor ticket jenjang sen 50, 100 aser 1000 alitsü ta tayongerisa metetdaktsüogo.