3rd Morning Champion’s Cup: Amur Falcon FC semi-final-i iogo

Kohima, Mongputeni/October 3 (TYO): Morning Football Association-i ayongba 3buba Morning Champion’s Cup tanep asaya Amur Falcon Football Club-i koka semi-final nung asayatsü asoshi jenjang ka ngutetogo. Iba asayamung ya Siekhazou Ground, D Khel Kohima Village nung tang asayadaki.
Telok kati dang amokbanger asayaba asaya ka nung Amur Falcon FC puri goal 4-0 agi Mustang FC madak takok angu.
Vizo-i asaya tenzüker minute 35buba nung free kick ka ajanga Amur Falcon pur atema mezüngbuba goal idaktsü aser asaya mezüngbuba shilem goal ka ya dang idaktsür tembang. Ajisüka lemon break sülen Mele-i par telok asoshi tanabuba goal minute 51buba nung idaktsü aser maneni Vizo-i par telok asoshi minute 58buba nung tasembuba goal idakja liasü. Iba sülen Benlo-i minute 72 buba nung Amur Falcon Football Club pur atema goal pezübuba idakja parnoki asaya ayong ayonga akok.
Mongputeni/Oct 4 nü asaya yamai alitsü:
Morning FC vs Morung united FC @ 5:30am