3rd Morning Champions Cup: KABA-i mezüngbuba point ngutetogo

Kohima, Rongjui/September 19 (TYO): Morning Football Association puri ayongba 3buba Morning Champions Cup (MCC) nung Kohima Ao Baptist Arogo (KABA) Football Club-i tanü mezüngbuba point ngutetogo. Iba asayamung ya Seikhazou Ground, D Khel Kohima Village nung asayaa arudar.
Tanü asaya nung KABA aser Merhülietsa FC na goal 2-2 nung tembangba sülen telok anaprongla point kaka lemsaogo
KABA pur asoshi mezüngbuba goal ya Kilangbai minute 19buba nung idaktsü saka Merhülietsa FC nungi asayar Isak-i minute 27buba nung goal ka idakja KABA pur goal küptok. Lemon break sülen taoba champion Merhülietsa pur atema minute 68buba nung Takubai tanabuba goal idaktsü saka tia maka defence nungi asayar Lanubai minute 70buba nung par goal nung goal ka idakja KABA pur nem goal ka agütsü aser asaya goal 2-2 nung tembang. Asaya asembuba nung tanü mezüngbuba KABA puri point ka ngutetogo.
Rongjui/September 20 nü asaya yamai alitsü:  All Blacks vs Morung united @ 5:30AM