4 buba Dimapur District & Inter-School TT asaymong ayonger

Dimapur, October 08 (TYO): Deputy Commissioner, Dimapur, Kesonyü Yhome-i 4 buba Dimapur District Open & Inter-School Table Tennis Tournament asüng, Hokolbar anepdang 9:30 ako nung lapoktsütsü sentong renema lir.
Shilem 5 tashi lemsar asayatsü asoshi tan ayongba asayamong nung school 10 nungi asayartemi shilem agitsü asoshi tenüng agüja lir.
Tan asayamong nung shilem agir ajungai DC court junction anasa, Multipurpose State Level Indoor Stadium asüngnep 8:30 ako tashi nung atongtsü temetettsü osang ka asayamong tayonger, Dimapur District Table Tennis Association (DDTTA) nung Tir, Er. Chirhotho Rasutho-i tanü sangdong ka ajanga metetdaktsüogo.
Iba asayamong shibangba sentong tan October 10 nikongtsütsü 3:00 ako nungi tenzüka agitsü aser iba sentong nung Bishnu Bhattacharjee, Tir, NPF Minority Wing tetushi tesemdanger alitsü.