4 buba Kohima Town Inter-Ward Tournament 2016 tembangogo

Kohima, February 06 (TYO): Kohima nung hopta ka shi asayaba sülen 4 buba Kohima Town Inter-Ward Tournament 2016 tanü, Honibar nü tembangogo.
Tanü tebur football final asaya nung Ward No. 14 (Old Ministers Hill & Potterlane) teloki goal 6-1 agi Ward No. 16 (New Minister’s Hill, New Reserve & Lerie Chazou) telok madak takok ngua champion telok aküm.
Champion telok, Ward No. 14-i kuli kaket aser takok marok den senpet sen 35,000 aser 2 buba jenjang angur, Ward No. 16 teloki 2 buba jenjang takok marok o kulikaket den senpet sen 25,000 agizük.
Tetsür volleyball final nunga Ward No. 14 teloki points 25-19; 25-20; 25-22 agi Ward No. 15 (AG) telok madak takok anguba osang jangjaogo.
Champion teloki senpet sen 20,000 aser Ward No. 15 teloki senpet sen 15,000 agizüka liasü.
Inter-Ward band tetoktepba nung Ward No. 7 (Daklane) teloki temaba jenjang ngua senpet sen 20,000 aser Ward No. 2 (Bayavü) teloki 2 buba jenjang ngua senpet sen 15,000 agizük.
Tetsür telok kenten tetoktepba nung Ward No.7-isa temaba jenjang ngua senpet sen 20,000 aser tanabuba jenjang angur, Ward No. 14 teloki senpet sen 15,000 agizüka liasü.
Asayamong shibangba sentong nung tetushi tejaoker, Kohima Deputy Commissioner, Rovilatuo Mor-i sempet aser senpet ajunga agütsü.