4 buba Open Kohima District Volleyball asayamong tenzükogo

Kohima, November 17 (TYO): Kohima Deputy Commissioner, Rovilatuo Mor-i lapoktsüba sülen Kohima kübok Indira Gandhi Stadium nung tentetba Hockey Ground nung 4 buba Open Kohima District Volleyball Tournament tanü, Brehostibar nü nungi asayatsü tenzükogo.
Kohima District Volleyball Association (KDVA)-i tebur aser tetsür naprongla atema ayongba asayamong nung tetsür telok 5 densema, ajak agi telok 21 tashi toktepa shilem agitsü tenzüka lir.
“Saisapongtsü ya meimchir taküm nung pelateptsü aser temang anema alitsü naprong atema tongti shilem ka lir. Tanü putu nungbo asaya balala nung takok ngua agiba ajanga asayartemi pei pok mesütettsüsa rongsen tajangzüka angur,” ta asayamong lapokba sentong nung tongti tesemdanger, Mor-i metetdaktsü.
Asayartemi pei taküm anema alitsü aser pei pok mesütsüsa tajangzük aser konang ajangzüktsü alizüng yur pei shilem agiba asaya nung bendanga agüja shilem agitsü tajungshiba olen ka tongti tesemdanger-isa shisem.
Iba asayamong ya tan Honibar nü tembangtsü sentong renema lir.
Nov. 18 nü asaya tarensen        Mapang 9:00 AM          Tebur quarter final
1. Kiruphema Youth Org vs Tama Youth Society Mima
2. Shiirho Mountain Club Vs Kiruphema Students’ Union
3. Prancer Club Phesama vs Super Spikiers Club Kohima
4. Zenith Club Kezo Town vs Kezieke Youth Org
Tetsür Final
Mystics Club, Hospital Colony, Kohima vs Tiamakhe Kidima