41 AR-i NSCN (IM) züngsem ka apu

Dimapur, March 21 (TYO) : Kohima nung nüburtem aliba tesem nung prongpong bena aliba nisung ka lir ta osang tejangja angashiba sülen March 19, 2017 nü D Khel village, Kohima nung 41 Assam Rifles aser police na lokteper mita ao.
Mita aoba mapang nisung ka ket nung Pt 22 mm Rifle kaa, Pt 22 mm (GSG5) Rifle ka, AK-47ka, Pt 32 mm injang magazine ka, injang round 87 aser injang terep10 bena lia apu.
Item oset bena alisangji D Khel village, Kohima District nungi asür T Kire’er jabaso, arishi küm 57 tain, N Kire ta jangjaogo.
N Kire-i pa NSCN (IM) nung Kilonser ka lir ta ashi. Bushisüngdangtsü asoshi pa den pai bena aliba prangpong aser injangtem dena Kohima North Police Station nem agütsüogo.