41 AR-i NSCN (KN) züngsem ka apu

Dimapur, July 27 (TYO): Osang tejangja ka angazükba sülen 41 Assam Rifles-i police dena July 26, 2017 nü Burma Camp, Dimapur nung tesem ka mita aodang, brown sugar gram 5 den tashiyim agi sen meshiba shidi asem bena aliba nisung ka apu.
Iba nisungji NSCN (KN) Civil Wing General Secretary, Vihoyi Sumi ta jangjaogo aser paji Kiphire, Nagaland kübok Kiphire, Nagaland yimer lir, ta PRO, HQ IGAR (North), Lt Col Amitabh Sharma-i sangdong ka nung metetdaktsü.
Pai ozüng alema mozü shibelenba aser Dimapur Market nung tashiyim agi sen saruba indang kuli agütsü. Pa den külemi apubatem ajak West Police Station, Dimapur ket nung agütsü, ta Lt Col Amitabh-isa sangdong nung ashi.