41 AR-i prangpong shibelener ka apu

Dimapur, May 24 (TYO): Prangpong shibelener aliba osang ka lazükba sülen May 23, nü HQ IGAR (North) kübok 41 Assam Rifles sepaitem den police züngsemtem densema Dimapur nung Thahekhu tesem mita ao, ta AR sangdong ka nung metetdaktsü.
Mita aoba mapang Assam Rifles sepaitemi nisung ka ket nungi Pt 22 mm Pistol ka den magazine apu, aser iba nisungbaji Thahekhu village, Dimapur nung alir arishi küm 35, Levito Swu lir ta jangjaogo, aser pai Dimapur nung ozüng alema prangpong shibelenba mapa inyakba nangzükogo, ta AR sangdong nungsa shia lir.
Maneni bushisüngdangtsü atema pua alisang den pa ket nungi apubatemji Sub Urban Police Station, Dimapur ket nung agütsüogo, ta sangdong nungsa shia lir.