45buba KODH foundation day amungtsü

Kohima, Rongchii 14 (TYO): Kohima Orphanage & Destitute Home (KODH) indang 45buba foundation day Rongchii (April) 16, 2018 nü anüngdang 1:00 ako nungi KODH nung amungtsü. Iba tesem ya state yimtiba, Kohima nungi kilometer pongu bilar lir.
KODH ya tangbo asür Zaputupii Angami’er jala, Neibanuo Angami-i repranger.
KODH tenzüker aser tir Ama Zaoutuo-ü Angami ya Metsüremi (March) 24, 2011 nung arishi küm 89 lia asü. Asür Zaputuo-ü Angami-i la taküm bendanga agütsür Kohima Orphanage & Destitute Home ya 1973 küm tenzük aser küm 38 tashi iba tesem ya anepalua arur la asü.
KODH foundation day nung temulunger ajak arua adentsü mepeshir aser temulunger shirnokisa nübu aser rongsen agi yaritepogo, nenok ajak dang kanga pelar, ra KODH ajanga sangdong ka nung metetdaktsü.