4buba 10 Northern Angami-I T20 asayamung;

Zienuobadze High Flyers, North Block Warriors aser Chedema Strikers temi akok

April 8, 2017 nü 4buba 10 Northern Angami-I T20 asayamung nung Zienuobadze High Flyers nungi Tolto (abelen) aser Cehdema Strikers nungi Keneiseso (achiji) nati Man of the Match sempet agizükba noksa nung angur.

Kohima, April 8 (TYO) : Tanü Honibarnü KVC Ground, Ziekezou Kohima yim nung 4buba 10 Northern Angami-I T20 asayamung asaya asem nung Zienuobadze High Flyers, North Block Warriors aser Chedema Strikers teloktemi pei asayaba teloktem madak takok angu.
Mezüng asaya nung Zienuobadze High Flyers-i runs 29 agi Lower Bayavü Giants telok madak takok angu. Zienuobadze teloki toss akokba sülen bat asütsü shim aser ober 15 nung 118/7 yanglu. Par telok nungi Tolto runs 30 (not out) yanglubaji timba liasü. Lower Bayavü nungi bowler Tapitu wicket 3 agi. Lower Bayavü bat asüba mapang parnoki runs 89/7 ang yanglutet. Par telok nungi SS Alam aser Keibuithing nati runs 28 aser 27 yanglu. Zienuobadze nungi Aso-i wicket 2 agi. Iba asaya nung Tolto-i Man of the Matsh sempet angu.
Tanabuba asaya nung North Block Warriors-i runs 19 agi Lower L. Khel Vikings telok madak takok angu. Iba asaya tenzükdang Lower L Khel-i toss akok aser mezüng field asütsü shim. North Block Warriors-i over 18 nung 162/7 yanglu. Par telok nungi Dietholetuo kijai runs 84 (not out) yanglu aser Saha-i runs 27 yanglu. Iba runs meneptsü arrshia asayadang Lower L. Khel-i over 18 nung 142/9 anga yanglutet. Par telok nungi Visanyu-i runs timba angu, pai runs 52 yanglu aser Imlisunep-i runs 33 yanglu. North Block bowler Ketho aser Ahezo nati wicket 3 aser 2 agi. Iba asaya nung Dietholetuo-i Man of the Match sempet angu.
Tanü asoshi tatembangba asaya nung Chedema Strikers-i runs 8 agi Upper L. Khel Riders telok madak takok angu. Chedema Strikers-i toss akokba sülen mezüng bat asütsü shimer asayadang over 18 nung 110/8 yanglu. Par telok nungi Keneiseso-i runs 44 yanglubaji timba liasü. Upper L. Khel Riders nungi bowler Nimai Dal-i wicket 4 agi, ajisüaka parnok bat asüba mapang parnoki runs 8 agi Chedema Strikers temi yanglua yutsüba memenep. Par telok nungi Suresh-i runs 24 yanglubaji timba liasü. Chedema nungi bowler Vikethozo aser Neihezo nati wicket 3 aser 2 agi. Iba asaya nung Keneiseso-i Man of the Match sempet angu.

APRIL 10, 2017 NÜ ASAYATSÜPUR YAMAI:
1. Middle Bayavü Lions vs D Khel United @ 7am
2. Upper Bayavü Sixers vs T Khel Knights @ 10am
3. RS Challengers vs P. Khel Eagles @ 1pm