4buba Hornbill Riders Meet tenzükogo

Kohima, December 4 (TYO) : December 4, 2016 nü Additional Director & HOD, Tourism, K.T. Thomas-i 4buba Hornbill Riders Meet Directorate of Tourism nungi tenzüktsüogo.
K.T. Thomas-i, rider tem dang Khezhakeno tesem tobur ajungba pelatepa penzür arutsü ashi.
Pai, bike tem kin aser sentsü lemsaa mali. Anungji alima nung aliba nüburtem ajaki iba amaji alitsü merangtsüla, ta ayongzük.
4buba riders meet ya Khezhakeno nung oa amungtsü aser Kisama nung meyipa arua tembangtsü.
Linük tesem balala nungi Royal Enfield anishirtemi iba riders meet nung shilem agidar aser iba sentong nung parnoki Naga nunger saisapong aser sentongtem, mi tulu apua yur pelatepa kazüba aser karaoke ajanga pelatepba den Royal Enfield challenge sentonga akatsü.