4buba Kohima Downhill Mountain Bike Race tembangogo

Kohima, December 6 (TYO): Native Station Nagaland puri ayongzüka 4buba Kohima Downhill Mountain Bike Race December 4, 2017 nü ayongzüka kaogo. Iba tetoktepba ya Viswema yimtsüng nungi tenzük, aser Naga Heritage Village, Kisama nung tembang. Iba asaya ya Pune nung amendaker aliba cycle manufacturing company, Psynyde Bikes aser Nagaland nung amendaker aliba clothing start-up Winter Made puri sponsore süa aka.
Iba tetoktepba nung Suman Tamang, Nepal-i mezüngbuba jenjang ajangtet aser Apshai Griffith Niangti, Shillong, tanabuba, Prachit Thapa, Nepal tasembuba, Gautam Taode, Pune pezübuba aser Ollie Hemstock, United Kingdom pungobuba ta liasü. Nagaland nung Naga nunger craftsman aser entrepreneur Veta Huphrem-i yangluba Firestone medals tem takokertem nem paisa agütsü. Iba tetoktep ajanga India nunger nüngtugu mountain biker, Ajay Padval (yaküm 4buba jenjang ngutetsang) shiba taküm tetenzüklen Leh, Ladakh nung mountain bike accident ka nung asü pa nem tetushi agüja liasü.
Iba race ya young entrepreneurs aser professionals temi teyari agüja aka. Parnok rongnung Africa & Asia Pacific Area, Manager Lhouvi Mezhur Sekhose, Commonwealth War Graves Commission & Kley Enterprise, Chan Kikon, Senior Integration Engineer, Jitterbit Inc, Dr. Ruovinuo Theunuo, Junior Resident, Government Medical College, Kozhikode, Kerala, Kekhrie Mezhur, Assistant Planning Officer, Department of Planning & Coordination aser Seyie Auto nunger lir.
Race track ya United Kingdom, Hemstock Designs nungi, Ollie Hemstock-i design asü aser pa den Nagaland design team; Seyieo Sekhose, Kaolim Hanso, Kevilebo Zhotso aser Kezevituo Seyie nungeri yaritep yanglu. Kohima Downhill ya Mhonjan Lotha, Avitso Lcho, Bolto Pusa, Neikesa Yalie, Kele Yhoshu aser Yanpvuo Kikon nungeri ayongzük. Iba tetoktepba atema sen 75,000 budget yur, tetoktepba ayongertemi senotsü Naga nunger lanurtem nungi sarudena aka. Lanurtem aikati parnok rizünga yua aliba sen aser itasen tenla agüja iba tetoktepba takok ngudaktsüogo. Volunteers tem ajaki kanga mulungsoa arua yari, kechiyong parnoki tarutsü atema langka tajung inyaktsüba nung tamang aka.