4buba Kohima jila Inter-Ward asayamung Feb. 1 nü nungi tenzüktsü

Kohima, January 31 (TYO): 4buba Kohima jila Inter-Ward asayamung 2016, February 1 nü 11:00 ako nungi tenzüka local ground, Kohima nung asayatsü.
Iba asayamung ya tongti tesemdanger Minister for Road & Bridges, Vikheho Swu-i lapoktsütsü.
Minister for Forest, wildlife & climate, Dr.Nicky Kire-ia sentong nung o tatsüka jembitsü.
Iba sentong Xavier Rutsa-i ketdang asütsü, Rengma Baptist Church, Kohima, Pastor, Dr. Keny Tsela-i temoatsü meshia sarasademtsü, 9th Kohima Town A/C nung NPF Tir, Zotuo Kire-i tarurtem pela agizüktsü, Sulivi Assumi ken atentsü aser iba sülen asayartem metetpela tenangzükba agitsü.
Iba asayamung ya “Unity & Friendship through Sports & Music” omen kübok NPF 9th Kohima Town A/C-i ayonga amungtsü.
Hombarnü 12:00 ako nung mezüngbuba tebur football asaya Ward 14 aser Ward 02 na tsüngda asayatsü aser tanabuba asaya nikongdang 1:40 ako nungi Ward 17 aser Ward 8 na tsüngda asayatsü.
Asayamung mezüng anogo nung tetsür mezüngbuba volleyball asaya Ward 19 aser Ward 9, tanabuba asaya Ward 16 aser Ward 13, tasembuba asaya Ward 2 aser Ward 10 aser pezübuba asayaji Ward 11 aser Ward 7 tsüngdasa asayatsü.