4buba NE India Fashion Week 2019 akatsü

Dimapur, Tsüklai/February 21 (Agencies): Taoba Northeast Fashion Week sentong indang edition 3 tashi Arunachal Pradesh sorkar leniba kübok Itanagar nung takok ngua agiogo. Tang aruya aliba 4buba edition sentong ya April 26 aser 27, 2019 nü tashi Dimapur, Nagaland kübok Hotel Acacia tesem nung ayonga agitsü.
Iba Fashion sentong agiba mapang Northeast nung designer temi yangluba süoshi tasentem Model temi sayatsü.
Northeast India Fashion Week “The Khadi Movement” ya northeast India tesem nung tajangzük magiba telok Yana (You are not alone)-i tentetta liasü. Iba sentong ayongba ya alima dang northeast India nung kin balala indang sobaliba aser lokti libaliro sayutsü nükjidong nung lir.
Iba den külemi fashion week sentong ajanga northeast nung designer temi yangluba süoshi aser teka agi yangluba osettem shishilembadak ayoktsü ajungshitsü atema asütsü.
Iba sentong indang Chief Operating Officer, Gloria Ovung shiba Guwahati yimti nunga Fashion Designer ka ama inyaker lai ashiba agi, 4buba edition Fashion sentong ya Nagaland nung ayonga agitsü aser fashion maparen tsütsü onok Naga nunger dak sempet tajung lir.
Iba den külemi Gloria-isa sentong nung shilem agitsü atema Nagaland nungi tejangrar designer tem aruagi adentsü atema pelashishia jaoker.
Sentong nung designer tem atema telemsa 3 – Emerging, Establish & Enthusiast alitsü aser iba atema www.northeastindiafashionweek.net website ajanga form angutsü. Tejangrartemi northeastindiafashionweek1@gmail.com nung agütsütettsü mesüra osang tejangja metettsü atema ph.no +91-8761804768 nung call asütsüla.
March 16, 2019 Honibarnü Naharbari Junction anasa The Northeast Window (Northeast India Fashion Week indang Magazine partner) tesem nung Model audition sentong agitsü, ta Model Casting Director Menty Jamir-i metetdaktsü.
Sentong nung shilem agitsü tejangrar model temi agüja aliba website mesüra facebook nung login süa tongtepratepang. Taruba Fashion week Show edition 4buba atema Director ji Opang Jamir Metsubo asütsü.