4th Master Shield Trophy Trebuchet-i benogo

4th Master Shield Trophy takoker telok Trebuchet CC den match patron J.E Moatemsu Jamir den match official aser tayongertem külemi tangokba noksa nung angur. Mokokchung, February 20, 2020.

Mokokchung, Feb 20 (TYO): Mokokchung District T20 Cricket Federation (MDT20CF)-i ayongzükba 4 buba Master Shield Trophy Feb 10 nungi tenzüka yangi Imkongmeren Sports Complex Mokokchung nung asaya arur, Feb 20 nü tembangogo, aser taküm iba asayamung Trebuchet CC-i Vincent CC madak wicket 6-i takok tulu ngua parnoki champion benogo.
Tesüsabuba asaya nung yaküm champion Vincent CC-i toss akok aser mezüng bat asütsü shimteta parnoki 20 over nung wicket 4 dang tsüker run 130 yanglutet. Trebuchet-i iba run-ji arishitsü meranga parnoki 18.1 over nung Vincent puri yangluteta aliba run-ji ajateta parnoki takok tulu ngua liasü.
Iba asaya nung Trebuchet CC nungi batsman Manoj Kumar (36 not out) aser Vikash Sah (36 runs) nati shilem tajung agiba den bowler Imnayangeri over 4 aonba nung wicket 3 agi aser runs 13 dang agütsü.
Champion team nem tanga senpet den sen 40,000/- aser runner up nem 20,000/- agütsüogo. Jurila senpet agizükertemji; Man of the Match Final – Manoj Kumar (Trebuchet), Best bowler – Imcharen 12 wicket (Skylark), Best batsman – Vijay (Vincent), Most Promising Player – Moalong (Zünga Medem) aser Man of the Series- Vedant Pandey (Trebuchet) parnoki ngua liasü. Item jurila senpet ajak ya nisung balalai sponsor süa agütsü.
Taküm iba asayamung nung tanga district nungi densema telok ajak agi 9-i shilem agi. Semi final match nung Vincent CC-i Skyhawk aser Trebuchet CC-i Skylark pur tsükdakja liasü. Tanep friendly match ka tayonger MDT20CF o Mokokchung Town Lanur Telungjem (MTLT) na asayaba, MDT20CF-i wicket 5 agi akok. Tanü final asaya nung match patron-ji J.E, RD Block Ongpangkong South, I. Moatemsu Jamir liasü.