5.83-Inch FHD+ Display aketba Honor 9i (2018) sayaogo

Aami (June) 9, 2018 (Agences):Huawei indang sub-brand Honor puri Honor 9i 2018 edition China nung sayaogo. Honor 9i (2018) ya taoba küm sayaba Honor 9i yanglushir adokba phone ka asütsü. Honor 9i 64GB storage variant ya CNY 1,399 aser 128GB model ya CNY 1,699 agi sayaogo. Iba smartphone ya China nungbo ayok tenzükogo.
Honor 9i (2018) nung 5.84-inch FHD+ notch display den screen aspect ratio 19:9 keta lir. Iba dual-SIM smartphone nung operating system ji Android Oreo 8.1 den Huawei indang EMUI 8.0 asütsü. Honor 9i (2018) nung 64GB aser 128GB internal storage keta lir, koba microSD card ka amshia 256GB tashi atsülanga amshitettsü. Honor 9i (2018) smartphone tesülen fingerprint sensor ka keta lir aser 3000mAh Li-Polymer battery ka dena inokja aliba angutsü.
Camera tsütsü reprangdangra Honor 9i (2018) nung tejaklen 16MP photosensitive enhanced camera ka den 2.0µm pixel tuluka keta lir aser iba ajanga tesangwa peria maliba tesemtem nung selfie kanga junga tangoktettsü. Face unlock feature den bendenloksema tejaklen camera nung AR aser Beauty mode densema lir. Maneni iba smartphone tesülen dual camera setup ka keta lir kong 13MP + 2MP sensor inokja aliba angutsü aser iba camera den külemi LED flash, AI scene detection, aser PDAF nunger amala features tem keta aliba angutsü.